بتخاف م الليل لما يبرق ؟
وانا برضه زمان كنت بحدف لياليا بطوب
عيل خايف
وبيكره كومي الكوتشينه
ويخاف منه
ويخاف لا يقش ف عصافيره
الولد الواقف على ورقي
خايف برضه
ولدين خايفين
والليل سكاكين
والشايب دايس على صدري
بارم شنبه
وحواجبه البيضه البرق بذاته وبسْكاته
لما بيدي للرعد الحق إنه يزعق
وانا واقف عامل على روحي
وبحاول اربط بين الرعد ولون برقه
وبحاول أفهم ليه دايما متأخر صوته عن الخطفة
وانا راسي مداس للي معدي
وف إيده الكومي وباعلى الحس بيصرخ فيا بدون رحمة
_ كومي يا نمرة
وانا جوكر متشال م اللعبة
ما لهوش لازمة
عامل أزمة
ورقة زيادة
دا انا لسه يا عالم بستغرب م اللي بيشرب قهوته سادة
وف نفس الوقت يحب الحلو ويستغرب من نظرتي ليه
وما يستغربش من البنوته القلب اما بتغمزله بدون سكر
دا انا لسه يا عالم بستغرب من كومي قديم
_ أحسن م الواد المتكرر أربع مرات _
بيقش الواد المستعجل
حارق نفسه
ويبصر والواد مالهوشي في البصرة غير محروق مرمي
وانا قاعد كده محروق دمي
ومشمر كمي ومتغمي
خايف اشوفه
ويعدي ف إيدي ومن كرهي بارميه وانساه
وما اقولش عليه …… غير سبعة و.. سبعة تخوفني
سماوات ليلي
وانا لسه بحدف لياليا بالطوب واجري
واسأل
إشمعنى القلب ما هوش
